На 31ви август 2024 година во општина Кривогаштани во организација на општината ќе се одржи вториот по ред „ФЕСТИВАЛ НА ПИПЕРКАТА“ со поддршка на Министерството за земјоделство, шумерство и водостопанство, соработници и партнери.
Нашето црвено злато – пиперката капија, низ оригиналните рецепти од нашите поколенија надополнети со љубов од вештите мајстори во гастрономијата стануваат врвни деликатеси кои се незаменлив дел од нашата трпеза, и вистински одраз на нашите традиционални вредности. Со оваа манифестација ќе промовираме производи кои се одлика на богатото, препознатливо македонско производство во општина Кривогаштани и нејзините културни и традиционални вредности.
Локалната гастрономија ќе биде претставена преку храна и пијалок, а нашата култура ќе биде претставена преку нашата македонска музика. Важноста од производството на пиперка ќе биде прикажана низ едукативно-забавно катче за најмладите. Успешната приказна за промоција на македононската култура и традиција продолжува со промовирање на локалните обичаи, домашната храна, земјоделското производство и потенцијалот на општина Кривогаштани.