Две лица ги загубија животите во тешка сообраќајна несреќа што се случи попладнево на излезот од Битола, на магистралниот пат што води кон Прилеп.
Во сообраќајката, евидентирана во 16:15 часот, учествувале две патнички возила со битолски и прилепски регистарски таблици, а животот го загубиле две лица.
Во сообраќајната незгода учествуваале патничко возило марка „Ситроен Ксара”, со прилепски регистарски ознаки, управувано од 44-годишниот прилепчанец П.В. и патничко возило марка „Ситроен Ц1″, со битолски регистарски таблички, управувано 64-годишниот норвешки државјанин З.Р., со кого патувала и Норвежанката A.E. (49).
Во незгодата од повредите на лице место починале двајцата возачи, а A.E. се здобила со тешки телесни повреди и е пренесена во Клиничката болница во Битола.
Увид на местото на несреќата изврши увидна екипа на СВР Битола, во присуство на јавен обвинител.
Сообраќајот на патниот правец Битола-Прилеп во непосредна близина на бензинската станица „Пелагонија“ беше во прекин сѐ додека не заврши истрагата за причините за тешката сообраќајна несреќа, па возилата се пренасочуваа на околните патишта.
Моментно , сообраќајот на патниот правец А3 – Битола – Прилеп е нормализиран , од 19:25 часот, информира АМСМ.