Во третиот натпреварувачки ден за екипата на Радио Пела – Прилеп, која учествува на меморијалниот футсал турнир „Љубомир Рајчевски Рајче“, во скопско Глуво, во еден неизвесен натпревар до последниот момент, бодовите заминаа кај екипата на Радио Пела: РАДИО ПЕЛА – ГО-ДАМ ИНГ – 4:3.
Стрелци на головите: Тео Димитриовски два гола , Илчо Мојсоски и Дарко Путески со по еден постигнат гол.
Натпреварот беше до крајот неизвесен. Првото полувреме не беше поволно за екипата на Радио Пела, па резултатската предност беше на страната на ГО-ДАМ ИНГ (2:3) . Неизвесноста настана во второто полувреме, кога со добра игра и поконкретни во напаѓањето на голот на противникот, организираност во нападот и одбраната, настана резултатски пресврт, за на крајот од натпреварот, екипата на Радио Пела да извојува победа, и со 7 бода ( со две победи и едена нерешена) да е веќе меѓу фаворит за учество на полуфиналните средби на турнирот.
Сабота е слободен ден за фудбалерите, а следниот натпревар на екипата на Радио Пела е во вторник, против екипата на Буларт. Почетокот на натпреварот е во 23 часот.