Засега без ограничувања за публиката во салите во Будимпешта, Сегед и Дебрецин во Унгарија, каде Македонија настапува на ракометното машко Европско првенство. Македонската ракометна репрезентација своите натпревари од групната фаза ќе ги игра во Дебрецин, а прв противник на „црвено – жолтите“ ќе им биде Словенија, в четврток со почеток во 18 часот (ТВ пренос на МТВ), а во разигрувањето за противници ќе ги има и селекциите на Црна Гора и Данска.
Додека пак на трибините на средбите на Европското првенство кои ќе се играат во Словачка ќе има публика, но според последните вести капацитетот ќе биде исполнет само 25 проценти. Секој што ќе сака да биде на трибини ќе мора да има примено две дози вакцина, а покрај тоа постојано ќе мора да носи и маска.
Европското првенство во Словачка и Унгарија ќе се одржи од 13. до 30 јануари.