Со поддршка на македонската амбасада во Виена, Австрија, на иницијатива на ЛАГ АГРО ЛИДЕР и Мрежата на ЛАГови беше обезбедена донација на книги, учебни помагала и едукативни игри за учење на германски јазик, како и литературни дела од австриски автори и авторки. Деновиве едукативниот материјал се распределува по училиштата во Прилеп и останатите градови во Македонија.
Донацијата е за основните училишта во нашата држава со што учениците ќе имаат можност да ги зајакнат своите јазични вештини за германски јазик и ќе се запознаат повеќе со австриското литературно творештво. Познавањето на странски јазик е богатство и голема предност во денешно време. Македонската амбасадата со вакви иницијативи ќе продолжи да ги подобрува достапноста и квалитетот на изучувањето на странски јазици односно на германскиот јазик, и ќе им овозможи на учениците да се запознаат повеќе со културата и литературата на Република Австрија, посочи Марина Тошеска од Лаг Агро Лидер.
