На Отворениот ден СОЕПТУ „Кузман Јосифоски Питу“- Прилеп на идните средношколци им ја раскажа приказната за можностите кои ги нуди училиштето со своите програми и за иднината која би ја имале оние кои би ги избрале економските струки. „Економијата е крвоток на опшеството. Без неа нема да функционира ниту една институција,пошта,банка, училиште, фонд за пензиско и здравствено осигурување, судство, опшествени и приватни компании… “ го започна своето раскажување директорката Христина Николоска за улогата и важноста на овие профили во заедницата
Струките што ги нуди нашето училиште, велат СОЕПТУ „Кузман Јосифоски Питу“- Прилеп, познато повеќе како економско училиште, се барани на пазарот на трудог: Техничар за е-трговија и дигитален маркетинг, Економски техничар/бизнис администратор, Економски техничар (ДУАЛНА паралелка) во соработка со компании и месечна стипендија од 3,500.00 ден за секој ученик; правен техничар, продавач – референт за продажни услуги / асистент деловен администратор кои е исто така нуди стипендија од 3,500.00 ден, а учениците одат на практична настава во реални комапании.
Училиштето располага со современи училници кои ги задоволуваат денешните потреби за изведување настава со користење нагледни средства и ИТ-технологија, изучување на Е-маркетинг, има активна младинската организација, одлична соработката со невладиниот сектор и меѓународни едукативни организации преку кои се врши размена на искуства и знаења и голем број вон-наставни активности во кои учествуваат ученици, што го прават богат и квалитетен средношколскиот живот. И, токму на отворениот ден нивен гостин беше Мите Стоилов, кој претставуваше вистинско изненадуање за сите оние кои го посетија отворениот ден .
КОИ СЕ КРИТЕРИУМИТЕ ЗА ЗАПИШУВАЊЕ?
Во јунскиот уписен рок има две електронски пријавувања – првото ќе биде од 20 јуни до 25 јуни, кога ќе се доставува и потребната документација до училиштата. Конечната ранг-листа од првото пријавување ќе биде на 26 јуни.
Второто електронско пријавување ќе биде на 1 и 2 јули 2024 кога воедно ќе се доставуваат и документите до училиштата, а конечната ранг-листа со резултатите од запишувањето и слободните места секое училиште ќе ја објави на 3 јули 2024.
Во августовскиот уписен рок пријавувањето ќе се врши на 21 август 2024.