На повеќе фронтови Прилеп се бори со пожарите. Алармантна е состојбата во Мариово во близина на селата Штавица, Крушевица, Пештани, Прилепец, Бонче каде силата на огнената стихија е потпомогната од ветрот, информираат од Кризниот штаб, а во најголема опасност е селото Крушевица како и манастирот Свети Никола во Прилепец.
Гори и Селечка планина. Загрижени граѓани објавуваат на социјалните мрежи стравични фотографии и видеа од состојбата на терен и како огнот немилосрдно ја уништува шума, ниска вегетација, природа… А огнот опасно се приближува и до Манастирот Св, Димитрија во близина на селото Селце.
Управниот одбор на манастиорот Св. Никола кај селото Прилепец пред само еден час објави дека огнот поради ветрот го променил правецот и повторно го става во опасност манастирот.
Ноќва ќе биде долга во борбата со пожарите. Општинскиот Кирзен штаб за заштита и спасување , најави дека во текот на утрешниот ден повторно продолжуваа со координација со сите расположиви средба и со насочување на екипите од противпожарните единици, Армијата, МВР, Национални шуми, воздушната поддршка, градежната механизација, медицинските екипи, доброволците и здруженијата, кон најзагрозените места каде што е најнеопходна интервенцијата.
