За прв пат е објавен јавен повик за грантови наменет за жените – земјоделки, носители на земјоделското стопанство. Јавниот повик, предвидува по максимум 180.000 денари или 3.000 евра неповратни средства за подносителите на барањата. Крајниот рок за аплицирање е 26 декември 2019.
Проектираната поддршка е за инвестиции во доработка и преработка на примарни земјоделски производи, но и за набавка на опрема за постбербени активности, како и за директна продажба од фарма. Прифатлива инвестиција е и набавка на опрема за ладење и замрзнување, сечење, конзервирање, сушење и етикетирање на производи, опрема за мерење и квалитет, за манипулација, утовар и истовар, за подобрување на стандардите за благосостојба на животните,
Корисиници на средствата можат да бидат земјоделски стопанства чиј носител е жена, правни лица водени од жена, односно трговски друштва или трговци – поединци регистрирани согласно Законот за трговски друштва.
Јавниот повик е на следниот линк на Агенцијата за финансиска поддршка и руралниот развој:
http://www.ipardpa.gov.mk/Root/mak/default_mak.asp
Жените земјоделки ќе може да аплицираат за грант од 3 000 евра
