Врнежите од снег кои започнаа локално доцна попладнево се проширија на територија на цела Македонија. По вчерашните слаби врнежи, вечерва пообилно вее снег во Пелагонија, во прилепско веќе се создава снежна покривка, која што е добредојдена за земјоделските посеви.
Прилеп 
Прилеп 
Прилеп
На Пелистер и во Битола врнежите се поинтензивни и според метеоролозите се очекува поголема снежна покривка.
Битола 
Пелистер
А снег врне и во Охрид …
Охрид 
Охрид 
Охрид 
Според Авто-мото сојузот сообраќајот на државните патишта се одвива по влажни коловози, а снег вее на целата територија на Македонија.
Воведена е забрана за движење на камиони на патниот правец крак Маврово – Дебар во 17:50 ч. и на патниот правец Гостивар – Кичево преку планинскиот премин Стража во 18:50 ч, како и на регионалниот пат Велес – Прилеп и обратно, односно превој Плетвар од 20:35 ч.
Врнежите од снег се очекува да престанат во текот на ноќта, а утре УХМР прогнозира сончево време со умерена облачност и студено. Ќе дува слаб до умерен ветер од северен правец. Кон крајот на денот ќе настапи зголемување на облачноста. Минималната температура ќе биде во интервал од -7 до 0, а максималната ќе достигне од -2 до 6 степени.