Се работи за мултифункционална, енергетски ефикасна училишна типска фискултурна сала Модел-1 на површина од 650м2 , со соблекувални, санитарни јазли, туш кабини и кабинет за наставниците. Со изградба на салата, се обезбедуваат и сите реквизити потребни за квалитетна реализација на наставата по физичко и здравствено образование.
Спортската сала ќе биде погодна за кошарка, ракомет, одбојка, мал фудбал, пинг-понг и гимнастика, спортови потребни за правилен раст и развој на децата.
Оваа спортска сала е дел од проектот „Изградба и опремување на 145 училишни сали“,финансиран од Владата, а договорот за нејзината изградба го потпишаа Министерството за образование и наука(МОН), Општина Прилеп и ООУ „Кире Гаврилоски – Јане“.
Градоначалникот Илија Јованоски, заедно директорката на ООУ „Кире Гаврилоски-Јане“, Кети Стевананџија, денеска извршија увид во почетните градежни активности за изградба на салата.