Полицијата сеуште е во потрага по 36 годишен затвореник од Гостивар, осуден на 20 години строг затвор поради извршени тешки кражби, кој спктакуларно, во неделата, избега од прилепскиот затвор. Според информациите од СВР Битола, по него е распишана потерница, а директорот на затворот на Прилеп посочи дека не сака да шпекулира со информации и дека случајот го презема МВР и полицијата.
Случката со бегалецот од прилепскиот затвор се случи при посета на затвореникот од страна на неговите најблиски, мајка и сопруга. Но, во текот на попладневната посета, без никој да го забележи, тој избегал од затворот, а во посебните простории за средби со најблиските, останале само двете жени. Oткако завршило времето за посета затворските полицајци забележале дека осуденикот го нема. Веднаш е аламирмирана затворската управа и полицијата, при што започната е потрага по затвореникот. Неговата сопруга и неговата мајка се приведени во полициската станица во Прилеп на информативен разговор. Бегството не го забележале ниту од безбедносните камери, ниту од затворската полиција.
По овој случај, најавени се дисциплински мерки против дежурните затворски полицајци кои биле задолжени безбедно да ја реализираат посетата и да го вратат затвореникот во затворските простории.