Прва женска лига во пинг – понг екипата на прилепска Младост 96 со 4:2 го совлада скопскиот тим Рисови, во 1. коло од Првата женска пингпонгарска лига. Резултатот е реален, според квалитетите на двата тима, односно, распоредот на нивните претставници во партиите.
Првата и четвртата партија ги доби членката на домашниот клуб, Србинката Катерина Гвозденовиќ, со 3:1 и 3:0, против Ива Димитриевска и Матеа Смолиќ. Втората и шестата партија и припаднаа на засилувањењто од Крушево Васе Богоеска, со по 3:0 над Матеа Смолиќ и Ана-Марија Димитрова. На гостинскиот состав му припаднаа две партии, третата и петтата, каде младата домашна пингопнгарка Камелија Стојческа со по 0:3 загуби од Ана-Марија Димитрова и од Ива Димитриевска. Во следното 2. коло Младост 96 е гостин на Берово, а Рисови на Крива Паланка.