Во салата на “ООУ Добре Јованоски – Прилеп“, вечерва со почеток од 19:30ч ќе се одржи хуманитарен кошаркарски настан кој што има ревијален и хуманитарен натпревар. Иницијативата е на КК Мега Баскет со цел афирмација на кошарката во Прилеп, а ќе се одиграат ревијални натпревари помеѓу екипите на КК Мега Баскет, ЖКК Мега Баскет и ветераните на КК Гоце Делчев – Прилеп. Ќе настапуваат познати имиња од прилепската кошарка, денеска ветерани и големи ентузијасти и поддршувачи на спортот во Прилеп.
За екипата на КК Гоце Делчев – Прилеп ќе земат учество: Печијарески Иван – Печио, Стевананџија Тони – Цицо, Вујасонивич Томо, Алексоски Бранко – Арчио, Димитриоски Сашо – Сенката, Костоски Сашо – Џигио, Менде Младеноски – Банако, Диме Ристески – Сидро, Влатко Атанасоски – Лешперо, Дисоски Бранко – Дисо, Горан Ристески – Таленто, Гоце Ристески – Шејнио и Марјан Здравески – Крке. Тренер на екипата Пеце Ангелески – Коритото, и како помошен тренер Брсакоски Драган – Брсако. Судии на натпреварот Александар Дамески и Петар Деспотоски.
За потсетување дека КК „Гоце Делчев“ е првиот кошаркарски клуб во Прилеп кој е формиран на 7 март 1948 година, со фузија на двете фискултурни друштва „Гоце Делчев“ и „Прилеп“.
Влезницата изнесува 50 денари, а средствата од овој спортски настан ќе бидат како придонес за Новогодишната хуманитарна акција.
