Градоначалникот на општина Прилеп Борче Јовчески, присуствуваше на конститутивната седница на ЗЕЛС, како делегат на Генералното Собрание на Заедницата на единиците на локалната самоуправа, организација која што ги обединува сите 81 општина во Македонија. На седницата едногласно беше избрана градоначалничката на Скопје, Данела Арсовска за претседател на ЗЕЛС, која порача дека главна цел во наредниот четиригодишен мандат ќе биде интензивирање на процесот на децентрализација и обезбедување зголемена финансиска стабилност и независност на сите општини.
Градоначалникот Јовчески беше избран за член на Надзорниот одбор на ЗЕЛС.
