Во спортската сала на СОУ „Р.Р. Ричко“ денеска се одржа Државно изборно првенство во борење У15 (категорија на борачи до 15 години) во техничка организација на Боречкиот клуб „7-ми Мај“ од Прилеп и Федерацијата за борење на Македонија.
Учество зедоа 12 боречки клубови од Прилеп, Скопје, Штип, Радовиш, Велес, Студеничани, Кочани, Неготино и Кичево. Победниците на ова првенство влегуваат во репрезентацијата на Македонија У15 . БК 7-ми Мај, 17 години функционира во Прилеп и успешно го претставува нашиот град во Македонија и пошироко. Со помош на Општина Прилеп која го поддржува клубот, овој спортски колектив бележи големи успеси. Градоначалникот Борче Јовчески беше присутен на настанот, ги поздрави присутните посакувајќи им многу здравје и успеси преку кои, ќе се промовира и градот Прилеп.
„ Сакам да упатам поддршка до раководството на Клубот 7ми Мај, да продолжат со својата успешна работа и да се радуваме заедно на уште многу успеси со кои што го промовираат нашиот град Прилеп, а ние како локална самоуправа ќе бидиме секогаш тука како поддржувачи и помагатели на овај спорт и на нивната работа“, истакна градоначалникот Јовчески.
Исто така со поздравен говор пред присутните во салата се обратија потпретседателот на БК 7-ми Мај од Прилеп Рубин Атанасоски и претседателот на Боречката федерација на Македонија Дејан Богданов.
