Со околу 100 учесници во тек е параглајдинг првенството Предсветски куп Флајмастер опен. Гостите и учесниците на првенството кое трае до 10-ти јули се од повеќе држави од Европа.
„Ова е она за што работевме. Имаме поголемо полетувалиште кое овозможува одржување на големи првенства плус услови за рекреативни параглајдеристи кои истовремено го користат. Тука градиме и објект и генерално ги подобруваме условите, а резултатите ги гледаме ова лето. Летото навистина е исполнето со настани и многу странски туристи,“ вели градоначалникот на општина Крушево Томе Христоски.Ова лето само преку параглајдеризмот општина Крушево очекува повеќе од 3 000 туристи. По завршувањето на ова првенство од 14-ти јули ќе започне „Светски куп Крушево 2022“