Завршија апелите и во неколку наврати потсетувањата со опомени до даночните обврзници подмирување на данокот од имот во општина Крушево. Како што информираат од локалната самоуправа започнува присилната наплата на законската обврска на име данок на имот:
„Општина Крушево во неколку наврати испраќаше опомени и се трудеше без примена на законските мерки за присилна наплата да ги прибере предвидените средства од данокот на имот. Тоа вроди со плод, но не целосно. Со цел да се обезбеди стопроцентна наплата на данокот на имот општина Крушево започнува со примена на законски предвидените мерки за наплата на побарувањата од физички и правни лица, односно присилна наплата. Средствата од данок на имот се еден од само неколку извори на финансирање на општината и затоа е многу важно истите целосно да бидат наплатени за локалната самоуправа да може да инвестира во нови проекти, кои се во корист на граѓаните,“ стои во соопштението од единицата на локална самоуправа Крушево.