Општина Новаци оваа година за прв пат организира манифестацијата „Фестивал на жетвата„. Фестивалот започнува вечерва (вторник) и ќе трае до утре, среда, 13 јули . Се одржува во дворот и околината на манастирот Рождество на Пресвета Богородица во Новаци, па домаќините планираа да прерасне во традиционален и да се одржува секоја година.
Градоначалникот Стевче Стеваноски најави богата и интересна музичка програма , но на фестивалот домаќините оддвоија простор и можност над 50 фирми, главно од земјоделската дејност, да ги изложат своите производи и услуги и да се престават пред посетителите.
Манифестацијата „Фестивал на жетвата“ во вечерните програми и на двата фестивалски денови започнува со детска програма : Кловнот Заги и монолошка детска претстава “И лебот доаѓа од нива”, Детски песнички од фестивалот Тра ла ла, , Театарска школа БАБЕЦ, со детска претстава “Сонувачи” , а од вечерниот настап во музичкиот дел од фестивалот ќе настапат КУД Новаци, Камерниот оркестар на Битола во изведба на концертот “Засекогаш во срцата” на кој ќе настапуваат: Ламбе Алабаковски, Ѓоко Танески, Наде Талевска, Ирена Димовска и Тамара Стојковска како и групата К4 band . Утревечер ѕвезда на вечерта е македонскиот фолк пејач, Миле Кузманоски, а на свеченото затворање на фестивалот ќе бидат доделени и признанија на најголемите производители на земјоделски култури од општина Новаци и на сите поддржувачи и изложувачи на фестивалот .
Манифестацијата „Фестивал на жетвата“ е поддржана од Министерството за земјоделство, шумарство и водостопанство на Република Северна Македонија.