Уште една спортска манифестација ќе го обележи викендот пред нас . (од 19 до 21 Август ) Прилеп Куп – турнир во фудбал за неколку младински категории кој го организира фудбалскиот клуб Прилеп во соработка со Општина Прилеп.Учество ќе земат над 800 талентирани фудбалери од фудбалските школи ширум земјава а ќе се натпреваруваат 48 екипи поделени во неколку групи.Пропозициите за ова прво издание велат дека ќе се натпреваруваат екипи за генерациите 2009 , 2010, 2011, 2012, 2013 и 2014.Натпреварите ќе се играат на стадионот на могила ,стадионот со вештачка трева како и градскиот стадион каде е планирано и да биде завршницата на турнирот.Гостин во нашата отворена програма РАДИО ШТО СЕ ГЛЕДА беше прилепската фудбалска легенда Тони Наумоски кој е и иницијаторот за организацијата на овој турнир.За време на неговото гостување тој истакна дека одека и покрај тоа што како турнир кој се организира прва година ја немал подршката од поголемите фирми од градот но сепак е благодарен што општината заедно со градоначалникот ја подржуваат во целост оваа идеа.Наумоски додаде дека Прилеп повторно ќе биде во центарот на вниманието во Македонија со овој турнир каде покрај дружењето и натпреварите во сите категории , важно е што на ваков начин уште повеќе фудбалот се промовира и доближува до децата.
За најдобрите во сите категории организаторите обезбедија и пригодни награди и подароци се разбира за уште поголема мотивација за сите деца кои го сакаат овој спорт а почнувајќи од утре прилепчани а и сите вљубеници во фудбалската игра натпреварите ќе можат да ги следат на трите фудбалски локации во градот под Марковите Кули.Полуфиналните дуели и финалето ќе се играат во Недела на градскиот стадион Гоце Делчев.Во продолжение и разговорот во целост со Тони Наумоски.Тимот на Радио Пела и овој пат како медиумски покровител на настанот ја дава несебичната подршка за оваа супер фудбалска идеа која треба да стартува и да продолжи да се негува и во наредните години .