По тешко боледување, вчера (13,30 ч.) почина ЈАНЕ ТРЕНЧЕВСКИ (56) судија при Основен суд – Прилеп. Тренчевски беше долгогодишен Претседател на Основниот суд во Прилеп и својата активност во делењето на правдата ја извршуваше чесно и праведно. Прилепчани го паметат како пожртвуван борец за правда, и професионално, и приватно, но и како вљубеник во пишаниот збор на светските класици, почитувач на медиумската фела, која секогаш имаше одлучна соработка заради заеднички објективното информирање на работата на судот и судиите во интерес на правдата. Тој, во неговата активна работа како Претседател на судот се залагаше за активно, навремено и ефикасно одвивање на судските процес и беше иницијатор на отворање на првата Канцеларија за односи со јавноста во суд .
Изјавил: „ Судиите се доволно компетентни, навремени и ефикасни и со зголемено темпо и динамика мошне ефикасно ја извршуваат својата обврска„ – изјави во медиумите Тренчевски (2011 г), како Преседател на Основниот суд во Прилеп, вреднувајќи ги своите колеги и претставувајќи го прилепскиот Основен суд како најефикасен и најажурен суд на подрачјето на битолскиот Апелациски суд, што говори за неговата голема верба во професијата која ја обавуваше неколку децении.
Јане Тренчевски беше вљубеник и во спортот. Тој беше поддржувач на боречкиот спорт и долгогодишен претседател на прилепскиот боречки клуб „7-ми Мај Леов“, кој со негова поддршка постигна голема афирмација и промоција, така што стана еден од најуспешните боречки клубови во Македонија.
Погребот на Јане Тренечвски се одржа денеска, предпладне, на новите градски гробишта во Прилеп, во присуство на роднини, пријатели и голем број почитувачи на неговиот професионален и општествен работен ангажман.