На Свечена седница на Советот на Општина Прилеп, по повод 3-ти Ноември, Денот на ослободувањето на Прилеп , вечерва, во општинската сала, беа доделни 3-то Ноемвриските награди, на заслужни граѓани и граѓански здруженија, кои се дале особнен придонес во афирмација и развој на Општината.
Годинава награда за животно дело, ЗЛАТНА ПЛАКЕТА “3-ти НОЕМВРИ” ,Комисијата за одбележување значајни настани, личности и датуми при Советот на Општина Прилеп му ја додели на ликовниот уметник, Кирил Гегоски, за животни достигнувања и афирмација на уметноста. Заблагодрувајќи се искрено за укажаната чест, Гегоски од говорницата рече:
„Ова награда ми е најдрага од сите награди што сум ги добил, бидејќи е доделна од мојот град Прилеп. Во оваа прилика моите слики ќе ги опишам со еден збор кои сега често го користам – величествени се. А, за уметноста, мора да истакнам дека таа сеуште е на маргините. Од тоа не се живее, нема егзистенција и затоа им благодарам на моето семејство кое имаше верба во мене и ме поддржуваше. Во оваа моја творечка работа, за убавата уметност имам само убав збор, а убавиот збор е најважен„- рече Гегоски, заблагодарувајќи му се на градот за наградата.
Годинава Комисијата за одбележување значајни настани, личности и датуми при Советот на Општина Прилеп при Советот на Оптшина Прилеп додели 3-то ноемвриски плакети на 6 здруженија на граѓани кои дале свој придонес во афирамцијата и промоцијата на Прилеп и 7 дипломи на граѓани кои со своето работење придонесле за развој и афирмација на општината.
Награди – плакети, по повод 3-ти Ноември беа доделни на здружението за модерни танци, Њу Џенерејшн за постигнати резултати во областа на танцот, на клуб за боречки спортови и рекреација „7-ми Мај“, за достигнувања во областа на спортот , на Шаховски клуб Прилеп, за постигнати успеси во шахот и афирмација на Прилеп, на компанија ГрабИТ ДООЕЛ , за особен придонес во развојот на ИТ технологијата и локалното стопанство, на, спортско туристичка манифестација TUNING CAR SHOW, за придонес во алтернативниот туризам и афирмација на Прилеп и на Фото Кино Клуб Прилеп за постигнати резултати во воспитувањето на млади таленти во областа на фотографијата и филмот.
Награди – дипломи, по повод 3-ти Ноември градот им додел на Сузана Спиркоска, одделенски наставник , за особен придонес во реализацијата на образовниот процес, Весна Шереметкоска , автор , за особен придонес во развојот на литературното творештво, на Душко Темелкоски – археолог, кустос, за особени постигнувања во областа на археологијата, на Вања Ѓорѓиоски и Фросина Ацевска, ученици, за освоено 1 место на Светско финале на Меѓународен натпревар по англиски јазик – Хипо, на Рубинчо Седлоски и Горан Ангелески, ракометни судии, за особени достигнувања и афирмација на спортот, на Менче Настоска Кадинец, доктор од областа на медицината, за особен придонес и унапредување на квалитетот на здравството во Прилеп и на Мирослав Димитриески, доктор по земјоделски науки, за особен придонес во стручно-научната истражувачка работа.
Најпрестижните награди на град Прилеп 3-то Ноемвриските награди, беа доделни во присуство на советниците на Оптшина Прилеп, градоначалникот на Прилеп, Борче Јовчески, Претседателот на Совет, Дејан Проданоски, како и некогашните градоначалниците на град Прилеп, преставници на граѓански здруженија, граѓани, гости и медиуми.