Традицијата продолжува и оваа година , во чест на патронот на градот Свети Никола , ќе се игра турнирот во мал фудбал и тоа во салата од основното училиште Добре Јованоски. Од 10-ти до 25-ти декември натпревари , возбудувања , атракции , голови и на овогодинешниот традиционален турнир во мал фудбал кој има и хумани цели. Од здружението на граѓани на спортови Марков Град – Прилеп велат дека и покрај тоа што во текот на изминатиот месец имало проблеми околу обезбедувањето на сала, сепак подпомогнати од генералниот спонзор Конфи Ангел и од други општествено одговорни компании како и стопанската комора , овој турнир сепак ќе се одржи. Александар Крстески претседателот на ова здружение истакна дека и покрај помалиот капацитет на оваа сала , сепак очекува љубителите на малиот фудбал да присуствуваат на натпреварите на турнирот каде ќе продефилираат голем број на спортисти , деца , професионалци и рекреативци а бројката би била околу 900 , во зависност од бројот на пријавени екипи. Исто така ќе се појави и поголемиот дел на репрезентативци од футсал репрезентацијата на Македонија.
Организаторите на турнирот планираат од првиот ден да има продажба на влезници кои би претставувале хуманитарен купон а тоа пак значи дека сите собрани средства од продажбата на влезниците ќе се донираат онаму каде што е најпотребно. Влезниците ќе бидат со симболична цена од 50 денари а капацитетот на салата каде ќе се играат натпреварите е од 300 столчиња.Од организацискиот одбор на турнирот најавуваат и “live stream” на натпреварите кои ќе се играат по завршувањето на групната фаза како и ждребот одосно извлекувањето за групите.Инаку екипите ќе бидат поделени во осум групи по четири екипи а ќе играат по систем секој со секого а двете најдобро пласирани од групата продолжуваат понатаму.А кога станува збор за наградниот фонд на турнирот во сениорска конкуренција , за освоено ПРВО место наградата е 240 000 денари , ВТОРО место 120 000 денари и ТРЕТО место 60 000 денари. Кај пионерите организаторите планираат наградите да бидат во спортски, реквизити , топки и плакети.
