Креветчиња, душеци, постелнина и играчки, денеска донираа Амасадата на Р. Словенија и компанијата КП Прво пензиско друштво во Детската градинка „Наша иднина“. Донацијата од 10 бебешки крветчиња, постелнина, 10 транспортни креветчиња, душеци и играчки е наменета за градинката „Гоце Делчев“ каде во присуство на Амасадорот на Република Слвоенија, Н.Е Милан Предан, и директорот на компанијата КП Прво пензиско друштво, Весна Стојановска и градоначалникот на Прилеп, Борче Јовчески им беа предадени на градинката .
Иницијативата ја покрена Советот на родители од градинката „Гоце Делчев“ кои неуморно работат за подобрување на условите за децата кои се згрижени во оваа јавна детска установа и нивниот ангажман вроди со плод.
При оваа прилика градоначалникот на Прилеп, Борче Јовчески и Христина Трпческа,ВД директор на ЈОДГ „Наша иднина“ Прилеп се заблагодарија за донацијата и истакнаа дека токму новогодишните и божиќните празници се денови на дарување и стекнување на нови пријателства, притоа честитајќи го Денот на независноста на словенечкиот народ.
Врачувањето на донацијата од Амбасадата на Република Словенија и компанијата КП Прво пензиско друштво, доаѓа во пресрет на новогодишните празници и Денот на независност на Р.Словенија, 26 декември.
Децата како благодарност за овие подароци возвратија со пригодна новогодишна програма и добија многу аплаузи од присутните гости и родители.