Сакате да се стекнете со добро образование, знаења и практична настава ? Сакате да се стекнете со многубројни награди во полето на економијата и правото ? Тогаш најдобриот избор за вас е ” СОЕПТУ Кузман Јосифоски – Питу – Прилеп “. Прилепското Економско училиште и годинава со отворен ден се претстави пред деветтоодделенците од градот и околината, а за прв пат организираше и турнир во мал фудбал каде беа опфатени околу 150 деветтоодделенци кои покрај натпреварувачкиот дел во училишната сала имаа можност да го посетат училиштето и да се запознаат со профилите кои ги нуди оваа образовна институција.
Економски техничар – бизнис администратор – тука учениците се стекнуваат со знаења и вештини кои се карактеристични за современ професионален економист како столб на светските бизнис трендови.
Економски техничар – дуална паралелка – покрај стекнувањето со теоретско знаење училиштето нуди можност за учење во реална компанија и добивање на стипендија од 3500 денари месечно.
Правен техничар – правдината е секогаш патоказ низ животот а во четирите години учениците се стекнуваат со знаења како добро потковани правници.
Техничар за Е-ТРГОВИЈА и дигитален маркетинг – учениците имаат можност да бидат во тек со технолошките трендови на е-трговијата и дигиталниот маркетинг.
Продавач – референт за продажни услуги/асистент деловен администратор – учениците се стекнуваат со знаења и вештини кои ги поседува еден современ и професионален продавач преку практична работа во вистински компании.
СОУ Кузман Јосифоски – Питу е училиште кое нуди можности за многубројни размени на ученици во странство со проектите на ERASMUS + програмата, а тоа е пак одлична можност за учениците кои ќе се запишат да бидат дел и од ERASMUS + семејството. Како дел од отворениот ден , за прв пат училиштето организираше турнир во мал фудбал а на истиот продефилираа 26 екипи а за најдобрите училиштето обезбеди пригодни награди а со тоа на еден спортски несекојдневен начин со спортска игра им го доближи и училиштето на деветтоодделенците од градот и околината.
Уште една причина повеќе зошто и каде да го продолжите средното образование. СОУ Кузман Јосифоски – Питу е ВАШ ИЗБОР, ВАША ИДНИНА. А вие учете ПАМЕТНО работете СТРУЧНО.
Среќно идни правници, адвокати, нотари, економисти, креатори на социјален маркетинг и идни бизнисмени.