Шеснаесет артилериски гранати калибар 105 мм, заостанати од Првата светска војна, беа пронајдени денеска околу 16:30 часот во близина на бензинската пумпа „Лукоил“, на самиот влез во градот Прилеп. Екипи од Дирекцијата за заштита и спасување безбедно ги отстранија пронајдените гранати, информираат од Дирекцијата.
ДЗС апелира до граѓаните доколку забележат сомнителни предмети или слични остатоци од војната, веднаш да ја известат полицијата и да не се обидуваат да ги допираат или поместуваат.