ООУ „Климент Охридски„ го заврши проектот “Парк за родителите и децата со посебни образовни потреби”
Директорот, Ахил Јаков се заблагодари на локалната самоуправа и Градоначалникот на Прилеп за поддршката, и напиша на својот фејсбук профил „Инспирацијата постои, но треба да ја најдеш работејќи……Секогаш изгледа невозможно додека не се заврши..„
А, завршеното е изненадувачки импресивно, осмислено и реализирано – убаво, и, за институцијата, и за околината!
.
Паркот е тревнат, со клупи и декорации, каде може да се изведува и практична настава, со можност, ученицие да уживаат во зеленилото,убаво уредените патеки и осмислени содржини. Но, како што е и проектот, паркот и училишниот двор, вака уреден, е и за родителите, и за сите деца. А, неговото оддржување останува како грижа на сите, кои ќе сакаат да се одморат и да уживаат во парковскиот двор на основното училиште, кое сега наликува на европско, а е во Прилеп.
„Училишниот двор и спортското игралиште учениците и сите деца можат да ги користат сега секој ден од 7 часот до 19 часот. Нашата цел е сите деца да имаат одлични услови за работа, уредено училишен и двор, да имаат квалитетно училишно катче за учење и да имаат образовна институција во која ќе минат пријатни часови во текот на денот, со квалитетни техничко – хигенски услови, и внатре , и надвор од училиштето, а пред се’ да бидат безбедни.“ велат од ООУ „Климент Охридски“, кои училиштето го направиле вистински „рај за очи“ !
Преку денот убаво, чисто и зелено , а навечер пријатно, хармонично осветлено – ООУ Климент Охридски Прилеп!
За почетоците и крајот на еден осмислен и реализиран проект: