Се е подготвено за традиционалната спортска манифестација „ФИС ролер ски куп Тоше Проески 2023“ која по седми пат викендов ќе се одржи во Крушево.Околу 50тина натпреварувачи од Казахстан , Грција , Бугарија , Македонија ќе настапат на ова “летно нордиско скијање” кое полека но сигурно како спорт се пробива и кај нас а истиот ќе се бодува.Стартот е закажан од подножјето на регионалниот пат Кривогаштани – Крушево а целта е кај Спомен куќата на Тоше Проески.Во нашата отворена програма РАДИО ШТО СЕ ГЛЕДА ни гостуваше Борче Јованоски , тренер во нордиско скијање при скијачката федерација , кој во овие натпреварувачки денови очекува на дело да ја види физичката подготвеност на македонските нордијци кои беа дел и од последната одржана олимпијада во Пекинг , Ставре Јада и Ана Цветаноска а во исто време младите да ги гледаат и за нив тоа да биде предизвик, за да можат да продолжат да го развиваат нордиското скијање во иднина без разлика дали е во летен или зимски период.
Свеченото отворање на „ФИС ролер ски куп Тоше Проески 2023“ е в петок (25 август) со почеток во 19:00 часот пред Спомен куќата на Тодор Проески. Поддржувачи на настанот се Агенција за млади и спорт, Меѓународна Скијачката Федерација и општина Крушево, а технички организатор е клубот “Ски Нордиски” од Крушево