Повторно нема воз за Прилеп . Поради расипана локомотива и денеска не сообраќа возот од Скопје за Битола, кој застанува во Прилеп, Велес и попатните станици. Локомотивата е расипана од минатиот понеделник, а кога по три дена штрајк, овој како и останитете возови, требаше повторно да сообраќаат, се расипа локомативата, информираат од „Македонски железници“.
Патниците од Велес, кои секојдневно патуваат на работа и на училиште во Скопје, се револтирани што го немаат овој воз кој многу им значи. Посебно револтирани се жителите од селата Богомила, Теово и Согле, на кои овој воз им е единствената врска до Велес, Скопје, Прилеп и Битола.
Од „Македонски железници“ за МИА информираат дека забрзано се работи на оспособување на локомотивата и очекуваат повторно да биде пуштена во сообраќај оваа среда или четврток.
Министерот за транспор ти врски , Благој Бочварски, на денешната средба во Прилеп , пак зборуваше за либерализација на железницата.Тој изрази незадоволство од работата на „Македонски железници и транспорт“ и истакна дека до пред две години Владата како субвенции исплаќала 6 до 7 милиони евра годишно за да реализира одреден број линии за патничкиот сообраќај. Минатата година Владата помогнала со 15 милиони евра, а годинава поддршката се очекува да биде околу 20 милиони евра.
Министерот најави дека Владата ќе продолжи со изградбата на пругите кон Бугарија и со Меморандумот со Србија за предвидената линија Ниш-Скопје.