Новогодишните и Божиќните празници се вистинко време за подарување, за празнични честувања,за солидарност и личен пример за хуманост. Поттикнати од празничните моменти на дарувања, помагање и хуманост, учениците СОЕПТУ „Кузман Јосифоски – Питу“-Прилеп, познато како економското училиште,
организира новогодишен базар со хуманитарна нота, со прекрасна порака „Подари насмевки„. И, ги покануваат сите добронамерници, хумани луѓе, и оние кои ги сакаат новогодишните и божиќните празници, и кои веруваат во хуманоста, да ги посетат и новогодишниот хуманитарен базар да го збогатат со среќа и насмевка.
Новогодишниот хуманитарен базар, во организација на економското училиште , ќе се одржи на 25ти декември, понделник, во 15 часот, во дворот на училиштето.
А, таму веќе се’ е подготвено за базарот. Тезгите , украсени со светликаво руво, веќе го красат дворот на училиштето, а на нив по симболична цена, ќе се нудат рачни изработки на новогодшни и божиќни украси, кои ги подговиле учениците од ова училиште .
Но, тоа не е се’! Сите оние кои ќе го посетат новогодишниот хуманитарен базар “Подари Насмевки“ во организација на СОЕПТУ „Кузман Јосифоски – Питу“- Прилеп, покрај насмевки од учесниците, ќе добијат и топол чај и бисквитни колачиња, за уште поубави, заеднички насмевки .
Собраните средства од продажниот хуманитарен базар , ќе бидат наменети за подароци на децата од Дневниот центар за децата со посебни потреби, а дел од средствата ќе бидат наменети за 12-сет годишното момче, Ангел Христовски, кој живее со ретка вродена мускулна дистрофија и на кој со третман во Кина, има можност за подобрување и стопирање на напредокот на болеста, за кои се потребни 23 000 долари.
Учениците од економското училиште веруваат дека ќе помогнат Ангел да има достоинствено детство, и дека многу посетители ќе дојдат на хуманитарниот базар в понеделник, бидјеќи веруваат дека само со заедништво може да се соберат повеќе средства за да насмевка да ја имаат повеќе деца.