СВР Битола регистрира релативно мирна новогодишна ноќ на подрачјето на СВР Битола, односно во Битола, Прилеп и Ресен.
Во Прилеп регистрирани се два настани, првиот во 20:40 часот кога во ОВР Прилеп С.Р. од Прилеп пријавил дека на улица „11-ти Октомври“ бил физички нападнат од едно лице, а вториот во 23:50 часот кога полициски службеници од ОВР Прилеп на улица „Кузман Јосифовски“ лишиле од слобода 16 годишен малолетник од Прилеп. При извршен преглед кај лицето е пронајдена прашкаста материја. По документирање на настанот против истиот ќе биде поднесена соодветна пријава, потврдија од СВР Битола.
Синоќа во 23 часот во СВР Битола В.Т. од Битола пријавил дека на улица „Свети Нектариј Битолски” бил физички нападнат од Т.С. и Н.В. двајцата од Битола. Се преземаат мерки за расчистување на настанот.
Полициски службеници од ОВР Ресен во селото Крушје, ресенско ја лишиле од слобода Х.Б.(46) од село Горна Бањица, гостиварско, која се барала по распишана централна потерница од Основен суд Гостивар за издржување на казна затвор во траење од 6 месеци. Х.Б. е спроведена до Казнено поправна установа затвор „Идризово“.,инвормираат од СВР Битола.