Во продукција на Театарската работилница Прилеп, во соработка со НУЦК Марко Цепенков и Радио Пела се реализираше иновативна мултимедијална изведба на радио драмата „Мрзливиот ќелеш и змијата“ од Марко Цепенков во драматизација на Тихомир Јанчовски. За прв пат една радио драма беше изведена во живо во студиото на Радио Пела преку видео/аудио платформата на социјалната мрежа Фејсбук во програмата „Радио што се гледа“ при што паралелно се емитуваше преку конвенционалната фреквенција и интернет. Во радио драмата „Мрзливиот ќелеш и змијата“ настапуваат:
– Наратор – Игор Трпчески;
– Ќелешот – Михаил Јорданоски;
– Змијата – Леона Митревска;
– Мајката – Ана Митоска;
– Царот – Филип Стојаноски;
– Цареа ќерка – Фросина Богеска;
– Комшијата – Гаврил Трпчески и
– Музички соработник,снимател на тон и монтажа – Томе Темелкоски.
Театарската работилница Прилеп од март 2023 та започна со реализација на проектот со објава на конкурс за учество во театарски работилници за драматизација и поставување на сцена на расказот „Мрзливиот ќелеш и змијата“ од Марко Цепенков, по што се одржаа повеќе работилници и проби за адаптација, драматизација,изготвување на сценографија, костими.
Проектот е работен со финансиска поддршка на министерство за култура како проект од национален интерес во културата на драмска – аматерска дејност за 2023г. Од Театарската работилница Прилеп упатуваат голема благодарност до НУЦК „Марко Цепенков“ Прилеп кои овозможија простор за работа на театарската аматерска група, како и на: Андреј Димитриоски, Марија Јовеска, Стефан Петрески и Давид Ристески за учеството во работилниците како и на Бојана Артиновска Трпческа за идејното решение за сценографија и костими.