Улицата „Леце Котески“, влезот во Прилеп од правец на Крушево од денеска, 6 ти март 2024 ќе биде целосно затворена за сообраќај во периодот од 10 до 14 секој работен ден во наредните 10 работни денови. Според известувањето од фирмата изведувач на градежните работи на овој патен правец, причината е поставувањето на последниот слој од асфалт кое требаше да почне на петти март, меѓутоа стартуваше денеска 6 ти март и треба да трае во наредните 10 работни денови.
Во периодот на забрана за сообраќај ќе се користи алтернативниот пат Мало Коњари, Галичани и Лагово.
Асфалтните работи започнаа денеска од страната на влезот во Прилеп од правец на Крушево.
