Министерот за спорт Борко Ристовски утре, петок, во работна посета на Прилеп, во која, според најавата од Општина Прилеп ќе се разговара за состојбата со Универзална сала Прилеп и нејзино активирање. Најавена е прес конференција во 12 часот во Универзалната сала. Спортистите и спортските работници се во очекување од првиот македонски министер за спорт Ристовски да се надминат проблемите со овој спортски објект кој што беше симбол и храм на малите екипни спортови, пред се’ на ракометот во Прилеп. Како поранешен ракометен голман и тој самиот има настапувано во овој спортски објект.
Претходно, месецов на 3 јули градоначалникот Борче Јовчески оствари средба со Ристовски на која што било разговарано за спортската инфраструктури со акцент на двете спортски сали Македонија и Универзална сала кои се нефункционални.
Дека прилепчани инсистираа за итно решавање на пробелмот и сакаат да го вратат сјајот на спортот во Прилеп, говори и тоа што, Борко Ристовски ќе биде и прв минстер од новата Влада што ќе го посети Прилеп и со кој локалната власт ќе дискутира за итно решавање на еден од горливите проблеми кои со децении го тишти градот – недостиг на професионална спортска сала за одржување на квалитетни спортски натпреавари.
