ДНК , Тропико Бенд и Марија Шерифовиќ со голем концерт ќе настапат утре на големата сцена во централното градско подрачје а со тоа Прилепската Пиварница ќе го одбележни јубилејот 100 години од своето постоење. Ова е значаен јубилеј за една компанија која своите успеси ги “зачинува” со една ваква концертна забава под отворено небо , вистински спектакл со огромна бина со 3 лед монитори и се разбира со опрема за сите потребни светлосни и звучни ефекти.
На денешната пресс конференција , генералниот директор Сашо Самарџиоски покрај тоа што ја најави оваа несекојдневна музичка јубилејна атракција , се заблагодари на сите граѓани , кои сите овие години се верни и лојални потрошувачи на производите од Прилепска Пиварница.– Затоа ние постоиме заради нив и ќе продолжиме со исто темпо да работиме и да произведуваме високо квалитетни производи, да изненадуваме со нови производи, нови вкусови како и редовно со промотивни активности – истакна Самарџиоски-.
Присутните ќе имаат можност да се разладуваат со вкусовите на производите од Прилепска Пиварница на 12 поставени шанкови од каде ќе може да се купува и од останатите производи од портфолиото на Прилепската Пиварница.Во текот на утрешниот ден во целиот град , во сите угостителски објекти цените на домашните пива ќе бидат по роденденска цена од 50 денари, соковите 40 а водата по 30 денари.