Општина Битола информира дека пожарот над Битола е целосно ставен под контрола со сеопфатна и континуирана ангажираност на екипите на ТППЕ, поддршка од јавните претпријатија и дополнителна помош од Центарот за управување со кризи
Но, денеска,повторно сончево и многу топло, попладне се очекува мала до умерена локална облачност. Температурите и денска се над 40 степен, а портокаловиот аларм остнува до крајот на оваа седмица.
Максималната температура во Прилеп, 41 степен.
Според прогнозата на метеоролозите, во наредните денови ќе се задржи сончево и многу топло време со максимална дневна температура која насекаде ќе биде над 30 степени, а наместа ќе надминува 40 степени, поради што до крајот на работнава седмица ќе биде активно портокаловото ниво за опасност од високи температури.
А поради високите температури препораки и до граѓаните од Институтот за јавно здравје.
Велат во овие екстремно топли денови со себе да носат шише вода, да имаат лесна, светла и комотна облека, да се тушираат со посвежа или млака вода, да се носи капа, шешир или чадор за заштита, доволно да се спие, да се јаде овошје и салати, да се избегнуваат алкохол, кафе, чај, како и топла, зачинета и солена храна што може да доведе до дехидратација.
Надлежните советуваат активностите на отворено да се спроведуваат пред 11 и по 17 часот.