Краткотрајниот дожд донесе освежување, но остави трага врз земјоделието. Дождот проследен со град и силен ветар, за час го уништи трудот на дел од тутунарите.
Невремето направи пустош на тутунските посеви во варошко, информираа наши читатели и слушатели. Тутунарите велат дека утрото имале прекрасен тутун на нивата, а попладнето веќе наишле на страотна слика од нивниот род.
Силно невреме попладнево, со силни електрични празнења, зафати поголеми делови од Македонија. Во Скопје, невремето предизвика и прекин на електричната енергија кои погоди 33.000 домаќинства. Оштетувањата на клучните далноводи (паднат далновод, бандери..) предизвикаа постојани прекини, при што ЕВН и Мепсо работат на поправките.
Инаку, невремето почна некаде по 16 часот. Штетите на земјоделците допрва ќе се проценуваат!