Ореовчани, прилепчани и поддржувачи од соседните градови денеска неколку часа утринава (од 6 и 30 до 9 часот) го блокираа регионалниот патен правец Прилеп – Градско, на Заполшки мост, на излезот од Прилеп. Протестираа барајќи итно решение од заканата по здравјето и на природата со ископот на Бехтел и Енка кој се наоѓа само неколку стотина метри до селото Оревоец. Бараат преговори со надлежните од Јавното претпријатие за државни патишта и од Министерството за транспорт и врски.
Велат дека има решение на проблемот со дислокација на ископот за мермер кој треба се користел како градежен материјал – тампон, за потребите при изградба на патните правци коридорите 8 и 10д.
Доколку во текот на оваа работна недела преговори не се случат, од граѓанската иницијатива „Спас за Прилеп“ најавуваат секојдневни блокади на регионалниот пат Прилеп- Градско.