На добро познатата локација во центарот на Прилеп од денеска, вечерва, започнува Фестивалот на пивото и скарата. Пиварниците и угостителите се подготвени да ги пречекаат гостите. Штандовите се спремни за забава и дружење и се прават последните чекори за се’ да функционира беспрекорно.
Вечерва на главната бина на плоштадот Александрија забавата започнува од 18 часот со Наум Петрески, Бојана Скендеровски, Van Gogh и ДЈ Марио. Утре, сабота, настапуваат Суперхикс, Таско и Огнен Здравковски и Tom Novy, а в недела на последната вечер ќе настапат Миле Кузмановски, Амадеус Бенд, Сања Вучиќ и ДЈ Боно.
Чаршијата и угостителските објекти, во трите фестивалски дена ќе работат со продолжено работно време, прилагодено на манифестацијата.
