Екипата на Радио Пела – Прилеп, го освои трето место на традиционалниот меморијалн турнир во мал фудбал на отворено “Љубомир Рајчевски-Рајче„ во с. Глуво, скопско, ( од 12 јули до 10 август ), кој оваа година се организираше по 18 ти пат.
Честитки за фудбалскиот состав на екипата на Радио Пела – Општина Прилеп: Кристијан Даноски, Дарко Путески, Ѓорги Попоски, Теодор Димитровски, Евгениј Костадинов, Кирил Костов , Илчо Мојсоски.
Инаку, футсал екипата на Радио Пела за прв пат настапува на овој меморијален турнир, кој се организира во чест на фудбалската легенда на фудбалскиот клуб „Вардар“ Љубомир Рајчевски – Рајче, кој потекнува од село Глуво, Скопска Црна Гора, Општина Чучер Сандев. Во своето натпреварување, екипата успеа да победи 5 футсал екипи и да стигни во финалното натпреварување, каде на пенали 5:0, го совлада противникот и го освои третото место.
Радио Пела максимално го поддржува спортот и луѓето кои сакаат да спортуваат. Пехарот наскоро ќе пристигне и ќе го краси студиото на Радио Пела! Браво и честитки дечки, за вашата борбеност, максимална пожртвуваност на терен и постигнат успех! Благодариме што не’ претставувавте, го промовиравте нашиот медиумски бренд и освоивте пехар.
На годинашното издание на традиционалниот меморијален турнир во мал фудбал „Љубомир Рајчевски Рајче“ учествува 24 футсал екипи . Организациониот одбор, обезбеди и одличен награден фонд за трите првопласирани екипи во вкупна вредност од 300.000 денари.
Настанот е под генерално покровителство на општината Чучер Сандево и граѓаните на село Глуво.