Прилеп на домашен терен вечерва во рамките на седмото коло во Супер-лигата го пречека Вардар, кој само се „прошета“ низ теренот на СОУ Ристе Ристески Ричко и ја оправда улогата на фаворит (краен резултат 27-37 – полувреме 12-19). Од другата страна прилепчани на овој натпревар го запишаа четвртиот пораз и не можеа ништо да сторат повеќе освен да го одиграат натпреварот кој на старт беше изгубен по налетот на вардарци.
Победникот на оваа средба беше решен по првото полувреме, а потоа вардарци во продолжение без проблем го одржуваа водството за лесни бодови. Поведоа со двоцифрени 21-31 и ставија печат на победата.
Стефан Петриќ постигна седум гола, по шест имаа Маргели, Крсманчиќ и Родригез , а во Прилеп Никола Јеремиќ беше стрелец на седум погодоци, додека Давид Трајкоски и Александар Тренчевски постигнаа по три голови.
Според табелата Прилеп се ноѓа на 8 место, со 5 бода, со четири порази, две победи и еден нерешен меч во Супер-лигата.