Од денеска, 19 ти ноември неколку откупувачи започнаа со преземање на тутунската реколта. Во Прилеп вратите ги отворија две откупни фирми за тутунопроизводителите. Но, освен што се набавуваат картонски кутии за пакување на производство, тутун не се предава. Земјоделците очекуваат повисоки фер цени за квалитетот кои што годинава го поседува производството.
„Во Прилеп сеуште никој нема донесено тутун, но имаме сознанија во делот на Источна Македонија и во Пелагонија има откупено тутун во прва класа, со напомена дека откупувачите влажниот тутун не го откупуваат и сувиот тутун. Како бројка немам податок колку е откупено, но тоа што е откупено е во прва класа. Вкупно се отворени 19 ваги, меѓутоа се цени само на неколку, тутунопроизводителите чекаат, калкулираат која класа е, која цена,“ вели Кире Ристески, претседател на Сојуз на тутунски здруженија.
Сојузот на тутунски здруженија веќе преговарале со откупувачите во однос на висината на цената.
„Му најавивме на откупувачите да не размислуваат за пониска цена од ланската и да оди повисока цена. Ние одиме 420 денари за кгр да биде просечна цена, која би се постигнала со анекс на договори како што се правеше лани со анекс на договори. За ова сеуште нема најави, но доколку сакаат да откупат тутун, компаниите ќе треба да ги зголемат цените, “
вели Ристески.
Од вкупно 309 пријавени ваги на 10те откупувачи, моментално работат само 19 ваги.