Деца, родители, граѓани поддржувачи, сограѓани креатори на локални и државни политики за подобрување на животот на лицата со попреченост беа дел од традиционалниот настан по повод Меѓународниот ден на лицата со попреченост – 3 ти Декември. Едногласна е пораката и од овогодинешното одбележување дека локалната заедница помага, донира, но треба поголема грижа за своите сограѓани преку збогатени форми што ќе обезбедат 24 часовна помош за лицата и за нивните семејства. Потребен е Групен дом со 24 часовна поддршка е апелот од родителите и од социјалните работници вклучени во работата на двата дневни центри за лица со попреченост во Прилеп.
– На лицата со попречености во развојот потребни им се центри согласно нивната возраст – Секојдневна 24-часовна грижа со бројни непроспиени ноќи, откажување од сите лични амбиции и жртвување на целиот свој живот за добробитта, среќата и над се’ – за здравјето на своето „поинакво“ дете. Ова е суштината на животот на секој родител кој има дете со попречености во развојот. За мене е многу важен овој Дневен центар. Aко се отвори некој Дневен центар со 24-часа, за детето тоа ќе биде многу добро, а ќе биде и за нас добро. Целиот живот ми е посветен на неговели Васка Димеска која е мајка на 37-годишен син кој е со посебни потреби и со години корисник на услугите на прилепскиот специјализиран Дневен центар „Ѕуница“.
„Тие корисници кои што се над 35 години, а и 40 се во домот на своето семејство. Апел до сите – да се формира Групен дом со 24-часовна поддршка кој што би можел да биде на ниво на локалната заедница, блиску до своите семејства…Родителите нивни се доста возрасни и им е многу тешко да се грижат околу задоволувањето на нивните основни потреби од секој апсект“, , вели Снежана Јошеска, социјален работник и координатор во Дневниот центар „Ѕуница“ Прилеп.