10.2 C
Прилеп
четврток, 3 април, 2025
Пела Радио

Прилеп остана и без големата сала во Цепенков и киното Мис Стон

По контрола и инспекција на Дирекцијата за заштита и спасување ги затвори големата сала во Центарот за култура „Марко Цепенков“ и киното „Мис Стон“ . Салата и киното се затворени за секаков вид манифестации и приредби се додека не се отстранат сите недостатоци од заштитата.Додека пак, Центарот за култура непречено може да одржува изложби, концерти и настапи во ликовната галерија и во фоајето.

Националната установа Центар за култура „Марко Цепенков“ Прилеп решението го добиле во текот на вчерашниот ден. Во решението констатирани се повеќе недоследности  од областа на безбедноста на објектите:

-Го добивме решението во кое, меѓу другото, се вели дека нема хидрант, односно тој никогаш комплетно не бил доопремен, нема громобран, не е функционален алармниот систем за пожари, резервниот извор – агрегатот за напојување со струја не е во функција, како и електромоторот за подигнување и спуштање на завесата на сцената во големата сала од „Марко Цепенков“. Освен тоа, инспекторатот констатирал дека некои од излезите од сцената за евакуација се отвораат обратно, посочува Марија Попова Јованоска, директорка на Центарот за култура „Марко Цепенков“.

Салите ќе останат затворени додека не се отстранат недостатоците.

По инспекциската контрола вон употреба од 25 ти март е ставена и зградата на Народниот театар „Војдан Чернодрински“, каде се најдени 15 безбедносни недоследности и пропусти.

 

Би можело да ве интересира

(Видео и фото) Кога пензионерите спортуваат, Крушево им ги нуди своите терени

Елизабета Филипоска

Прилепчанец доби кривична пријава поради „злоупотреба на лични податоци“…

Пела Редакција

75 години постоење одбележува прилепскиот театар „Војдан Чернодрински“

Пела Редакција

Порталот ПелаМК користи колачиња за да го подобри вашето искуство. Можете да се откажете во секое време. Прифаќам Повеќе