ЈКП „Водовод и канализација“ ја продолжува битката со нелегалните приклучоци и кражбите на вода.
Кражба на вода, овој пат,е откриена кај угостителскиот објект „Даблин“ 2017 ДПТУ увоз – извоз ДООЕЛ, на ул.„Кузман Јосифоски – Питу“ бр.33. Не легалниот приклучок во овој објект, теренската службаод ЈКП „В и К“- Прилеп го детектирале на 16.-ти август, по што ЈКП „Водовод и канализација“ ведаш поднесло пријава до Полициската станица – Прилеп.
Според првичните проценки на стручните лица на ЈКП „Водовод и канализација“- Прилеп, овој правен субјект не овластено искористил 1.000 м2 вода, со што го оштетил буџетот на претпријатието за околу 54.000 денари.
Неодамна, ЈКП „Водовод и канализација“ детектира кражба на вода кај ДТУ „Маркови кули трејд“, по што следеше кривична пријава за кражба на вода.
Од ЈКП „Водовод и канализација“ потенцираа дека интензивно ќе продолжи со борбата против дивите приклучоци и кражбите на вода во Општина Прилеп. А, со цел спречување на кражби на вода во тек е и тендерската постапка за набавка на софистицирана опрема за детекција на губитоци и кражби на вода, „со што во огромна мера ќе се зголеми ефикасноста во работењето на стручни служби„ – велат од ЈКП „Водовод и канализација“- Прилеп