Седмиот „Џез викенд“ во Прилеп и на вториот фестивалски ден имаше богата понуда. Публиката уживаше во настапите на бендот на Васил Хаџиманов, грчкиот „Палете Ансамбл“ предводен од саксофонистот Сократис Вотскос, како и на Јордан Костов и интернационалниот состав „Шангај Интенс“. Познатиот џезер Јордан Костов, настапи за прв пат на џез сцената во Центарот за култура „Марко Цепенков“ .
Многубројната публика уживаше во виртузните изведби на учесниците.
Денеска е третиот и последен фестивалски ден од Интернационалниот џез викенд.
Познатите џез имиња како што се Јаков Дренковски, французите „Ле Бал Пури“ и српскиот бенд „Деца Лоших Музичара“, се гаранција за уште едно незаборавно музичко доживување на летната сцена од Центарот за култура.
„Џез викендот“, кој е во организација на Општина Прилеп и кој станува препознатлив бренд на градот под Марковите кули, го презентира музичкото творештво во светот на џезот пред прилепската публика, со основна идеја за поинаков урбан Прилеп и заложби за следење на вистинските светски културни вредности.