Вечерва, фоајето на Центарот за култура „Марко Цепенков“ во Прилеп, беше претесно за огромниот број посетители на концертот на единствениот женски камерен хор во Прилеп, „Керамија“.
Со изведба на духовна музика, народна музика и поп музика, овој хор го одбележа своето едногодишно постоење. Голем дел од изведбите наидоа на громогласни аплаузи.
Со маестрална изведба се претставија и гостинките од поп-рок хорот БитВокс од Битола, со изведба на поп и рок композиции. Нешто што беше неочекувано за концерт на хор, а наиде на внимание беше поетскиот настап на поетите Филип Димкоски и Лина Димоска, кои се претставија со нивни автроски стихови.
На настанот присуствуваа градоначалникот на Општина Прилеп, д-р Борче Јовчески и градоналачникот на Општина Битола, д-р Тони Коњановски. Јовчески се обрати пред публиката, да го поздрави хорот домаќин и гостите.
Не можевте да ни приредите поубава вечер од оваа. На мојата сопруга денес и е роденден, па верувам дека ваков роденден не доживеала досега. Ви благодарам за тоа-рече Јовчески, кој е често присутен на културните настани во Прилеп.
Концертот е дел од годишната програма на Центарот за култура, поддржана од Министерството за култура и туризам, а е во рамки на одбележувањето на 45 години постоење на НУЦК „Марко Цепенков“-Прилеп.