Сојузот на просветни работници денеска одржа свечена академија во Куманово по повод Светскиот ден на учителите, на која беа прогласени најдобрите. Во престижната група од 6 најдобри просветни работници за која се изјаснија нивните колеги е Сузана Николовска од „Кире Гаврилоски Јане“ Прилеп, како и Гордана Угриновска од „Елпида Караманди“од Битола, Љупка Стоименова од „Никола Карев“ Кочани, Фатиме Алии од „Живко Брајковски“ од Скопје, Лидија Михајловска „Наце Буѓони“ од Куманово и Раде Илиевски од „Рајко Жинзифов“- Скопје.
На свеченоста, присуствуваше и заменик министерот за образование Петар Атанасов, кој им го честиташе Денот на учителот и вети дека надлежните институции ќе работат преку законски измени со кои ќе се скратат административните работи на учителите за да можат да се посветат на воспитувањето и образованието на учениците. На оваа традиционална манифестација беа прогласени и најдобрите професорите и учителите од македонските училишта.
На свечената академија се обрати и претседателката на Сојузот на просветните работници на Македонија, Лидија Николовска-Георгиевска.
Светскиот ден на учителите 5-ти октомври УНЕСКО го прогласи во 1993 година, а веќе од 1994 година Македонија го одбележува со скромни свечености.
Сузана Николоска од ООУ„Кире Гаврилоски Јане“ меѓу најдобрите просветни работници во Македонија
