Според, ДЗС од 8.459 слободни работни места во Македонија, Пелагонискиот регион има најмногу слободни работни места на пазарот на трудот, односно Пелагонискиот регион има највисока стапка на слободни работни места , 2.35 проценти, по што следи Источниот со 2,2 %, Југоисточниот со 1,83 %, Југозападниот со 1,70 % и Скопскиот регион со стапката на слободни работни места 1,5 проценти.
На пазарот на труд во Македонија ,вели статистиката, има 8.459 слободни работни места, од кои најголем дел, 3.264, се во групата „работници во услужни дејности и продажба“. По нив следат работниците од групата „техничари и средни занимања“ каде има 1.172 слободни работни места, па „ракувачи и составувачи на машини“ со 1221 работно место. Има и слободни 858 работни места за службеници.
Како што објави денеска Државниот завод за статистика, стапката на слободни работни места во третиот квартал годинава изнесува 1,67 проценти.
Највисока стапка на слободни работни места има секторот „административни и помошни услужни дејности“ 5,08% , додека најмала е стапката во секторот „снабдување со електрична енергија, гас, пареа и климатизација“, каде е 0,21%
Највисока стапка на слободни работни места (од 2,44 %) имаат фирмите со три до девет вработени.