Здружението Илустра известува дека работи на стратегија за трајно решавање (елиминирање) на дивите депонии на туристичките локалитети околу Прилеп. Здружението Илустра активно истражува за причините и последиците на многу депонии и разни други форми на отпад во Прилеп, особено околу атракции кои што имаат туристички потенцијал. Истата оваа стратегија ќе може да се применува и во другите општини, а особено значајно за нас е ако биде применета во другите општини во Пелагонија.
Голема благодарност до Европската Унија заради залагања во областа на екологијата, како и до Здруженијата АЛКА, Фондација за развој на локалната заедница и Институтот за развој на заедницата за нивната помош при организација на еден ваков потфат.
