„ОБВИВКИ“- прва самостојна изложба на прилепчанецот Филип Цакоски

Вечерва, во Скопје, во Домот на културата „Кочо Рацин“, првата изложба ќе ја има младиот прилепски уметник Филип Цакоски. Изложбата „Обвивки“ е социолошка анализа или едноставно „согледување“ на човекот како емотивно битие, во речиси меланхоличен свет. Истражување на видливото и површното во едно општество преточено во девет стилизирани фигуративни скулптури.

Филип Цакоски (1998 од  Прилеп, Република Македонија е дипломиран вајар на Факултетот за ликовни уметности при Универзитетот „Св. Кирил и Методиј“ во Скопје, отсек вајарство, модул сценографија, во класа на проф. м-р Жарко Башески.

Член на ДЛУМ од 2020 година, учесник на повеќе групни изложби и настани, во и надвор од државата.

Изложбата ќе ја отвори поетот Филип Димкоски и ќе зборува за авторот и  за делата.